Download Free Apps & Games @ PHONEKY.com

Nasheed > Topics

Subject: IK DIN MERNA HAI ,,AAKHIR MAUT HAI
Replies: 0 Views: 188

miirfan 7.02.12 - 07:45am
IK DIN MERNA HAI ,,AAKHIR MAUT HAI


kalam: khuaja majzoob(rehmALLAh)


behr e ghaflat ye teri hasti nahi,
dekh!! jannat is qadar sasti nahi,
rah guzar dunya hai,ye basti nahi,
jae e aish o ishrat o masti nahi,

ik din merna hai, aakhir maut hai,
kerley jo kerna hai,aakhir maut hai,


ho rahi hai umer misl e baraf kam,
chupkey chupkey,rafta rafta dam ba dam,
saans hai ik rehrw e milk e adam,
daf'atan ik roz ye hojaey ga khatam


ik din merna hai, aakhir maut hai,
kerley jo kerna hai,aakhir maut hai,



hai yahan sey tujh ko jana ik din,
qabar mein hoga tthikana ik din,
mun Khuda ko hai dikhana ik din,
ab na ghaflat mein gawana ik din,



ik din merna hai, aakhir maut hai,
kerley jo kerna hai,aakhir maut hai,




aakherat ki fikar krni hai zaror,
jesi karni waisi bherni hai zaror,
umer ye ik din guzarni hai zaror,
QABAR mein MATYYAT uterni hai zaror,



ik din merna hai, aakhir maut hai,
kerley jo kerna hai,aakhir maut hai,




aaney wali kis sey tali jaaey gi,
jaan ttehri janey wali,jaaey gi,
rooh rag rag sey nikali jaaey gi,
tujh pey ik din khak dali jaaey gi,





ik din merna hai, aakhir maut hai,
kerley jo kerna hai,aakhir maut hai



aish ker ghaafil na tu aaram ker,
maal hasil ker na paida naam ker,
yaad e haq dunya mein subh o shaam ker,
jis leye aya hai tu wo kaam ker,



ik din merna hai, aakhir maut hai,
kerley jo kerna hai,aakhir maut hai,

*

Reply
Nasheed Forum

Nasheed

Top
Groups
Prodigits

Custom Search